Аяа, туйлын зөөлөн Охин минь

Аяа, туйлын зөөлөн Охин минь

Де Салес Францис (1567-1622)

(Dulcissima virgo Maria - O Most Sweet Virgin Mary)

Аяа, туйлын зөөлөн Охин минь. Та миний эх, би таны
хүү бөгөөд та хүчин чадалтай, би сул дорой гэдгийг
эргэн санагтун!
Аяа, туйлын зөөлөн Эх минь. Та намайг хамаг ажил
үйл ба зам мөр дээр удирдан зална уу гэж танаас
өршөөлийг эрэн гуйж байна.
Аяа, сайхан Охин минь. Үүнийг үйлдэж чадахгүй
гэж та битгий хэл. Учир нь таны хайрт Хүү тэнгэр ба
газарт танд хамаг эрх мэдлийг соёрхсон билээ.
Үүнийг үйлдэх ёсгүй гэж та битгий хэл. Учир нь та
бол хүн төрөлхтний, нэн ялангуяа миний эх билээ.
Хэрэв та үл чадах бөгөөс би таныг уучлан хэлэхдээ
үнэндээ тэр миний эх мөн боловч тэр эд баялаг ба эрх
мэдлээр дутуу юм гэнэ.
Хэрэв та миний эх биш бөгөөс би зөвөөр тэсэж
хэлэхдээ тэр надад туслахуйц хөрөнгөлөг бөгөөд
мэдэлтэй боловч харамсалтай нь миний эх биш
учраас намайг үл хайрладаг юм гэнэ.
Аяа, туйлын зөөлөн Охин минь. Та миний эх, та
эрх мэдэлтэй бөгөөтөл намайг үл тэтгэж, намайг
үл тайвшруулах аваас би таныг хэрхэн уучлах сан
билээ?
Үзвээс, Эх минь ээ! Та миний бүх гуйлтыг
зөвшөөрөх аргагүй юм. Та Хүүгийнхээ нэр хүнд ба
алдар суугийн төлөө миний гэм нүгэл, миний сул
дорой хэрэг явдлыг үл тоомсорлон өөрийн хүүгийн
адилаар намайг хүлээн авна уу. Та миний бие ба
сүнсийг хамаг хорон муугаас гэтэлгэнэ үү. Түүнчлэн
хамаг эрдэм буяныг, ялангуяа төлөв даруу занг надад
хайрлана уу. Эцэс сүүлд нь, Эцэг, Хүү, Ариун Сүнс
болох Ариун Гурвалд таалал нийцтэй хамаг билигт
хишиг ба хишиг ивээлийг та надад соёрхон хайрлана
уу. Амэн.

/Даатгал залбирлын СУДАР ном, 238-239 нүүр/