2016년 1월 12일 화요일

Оршуулга хийгээд гэгээн дурсгалыг тэмдэглэхэд зориулсан магтаал

Талийгаачийн төлөө
(Pro defuncto nominatim - For a deceased man)

Оршуулга хийгээд гэгээн дурсгалыг тэмдэглэхэд
зориулсан магтаал
Мариа Магдoлна Татар
(Canticum pro defunctis -
Canticle for the funerals and memorial of the departed)

1. Найдвартай Христ, бидний төлөө
Тахил болсон Тэнгэрийн хурга та
Нас барсан энэ сүсэгтний
Нүглийг арилгаж өгнө үү.
Номын мөнх орондоо энэ хүнийг
Нөмөр нөөлөгтөө багтаана уу.

2. Хайртай хүний гэгээн дурсгал,
Хөшөө булшийн дэргэд мөргөөд
Хэзээ ч үл өнгөрөх сүнснүүд маань
Хязгааргүй мөнх оронд
Хамт жаргахаар ахин уулзахыг
Христийнхэн бид итгэдэг

3. Төгс билигтэй Есүс эзэн та
Дээр, үл нөгчих гэгээн насанд
Талийгаачид, бидний ах дүү,
Төрөл садан, өвөг дээдэстэй
Дээрээс өршөөж энх амгаланд,
Тэнгэрийн оронд биднийг уулзуулна уу. Амэн.


/Даатгал залбирлын СУДАР ном, 268-269 нүүр/

Есүс, Мариа, Иосеф

Талийгаачийн төлөө
(Pro defuncto nominatim - For a deceased man)

Есүс, Мариа, Иосеф
(Ordo commendationis animae -
Recommendation of a Soul Departing)

Есүс, Мариа, Иосеф,
Миний бие сүнс, зүрх, амиа бүрэн өргөмүй.
Есүс, Мариа, Иосеф,
Амин эцэс болох цагт та надад тусалтугай!
Есүс, Мариа, Иосеф,
Таны нөмөрт сайн үхэх болтугай.
Таны нөмөрт
Таны нөмөрт сайн үхэх болтугай. Амэн.


/Даатгал залбирлын СУДАР ном, 268 нүүр/

Талийгаачийн төлөөх Бизантын уламжлалт даатгал залбирал

Талийгаачийн төлөө
(Pro defuncto nominatim - For a deceased man)

Талийгаачийн төлөөх Бизантын уламжлалт
даатгал залбирал
(Oratio pro defuncto - Byzantine Prayer for the Deceased)

Аяа, Тэнгэрбурхан минь, хамаг сүнс, бүх биеийн
Эзэн минь, та өлмийгөөрөө үхэл дээр гишгэж, ад
чөтгөрийг үгүй хоосон болгоод, дэлхий ертөнцөд амь
амьдралыг хайрлав.
Аяа, Эзэн минь, та гэгээн саруул газар дахь, гаслан
зовлонгүй орчин дахь талийгч (Нэр) ... зардсынхаа
сүнсэнд амар амгаланг хайрлана уу.
Агуу нигүүлсэхүй Тэнгэрбурхан минь, та үг, үйл,
санаагаар үйлдсэн түүний хамаг гэм нүглийг
өршөөнө үү. Учир нь гэм нүгэлгүй амьд амьтан
гэж байдаггүй бөгөөд зөвхөн та гэм нүгэлгүй. Таны
шударга бол мөнхийн шударга, таны үг бол үнэний
үг байдаг билээ.
Аяа, Христ Тэнгэрбурхан минь, та талийгч (Нэр) ...
зардсынхаа амилал, амьдрал, амар жаргал мөний тул
бид таныг бүтээгдээгүй Эцэг хийгээд амьдруулагч
Ариун Сүнсний хамт одоо болон үүрд мөнхөд
алдаршуулъя. Амэн.
Талийгаач амар амгаланд жаргах болтугай. Амэн.


/Даатгал залбирлын СУДАР ном, 267 нүүр/

2016년 1월 11일 월요일

Талийгаачийн төлөө

Талийгаачийн төлөө
(Pro defuncto nominatim - For a deceased man)

Талийгаачийн төлөө
(Pro defuncto nominatim - For a Deceased Man)

Аяа, Эзэн минь. та талийгч (Нэр) ... зардсынхаа
сүнсэнд таны өршөөлийг гуйн буй бидний даатгал
залбирлыг чих тавин сонордоно уу. Тиймийн тул
түүний сүнс энэхэн ертөнцөөс хальж, амар амгалан
ба гэгээн гэрлийн орон нутгийг зорьж, таны
гэгээнтнүүдийн хувь заяагаар соёрхогдох болно. Амэн.


/Даатгал залбирлын СУДАР ном, 267 нүүр/

Мөнх нойр

Талийгаачийн төлөө
(Pro defuncto nominatim - For a deceased man)

Мөнх нойр
(Requiem aeternam - Eternal Rest)

Эзэн минь, та түүнд (тэдэнд) мөнх нойрыг хайрлаж,
түүнийг (тэднийг) мөнхийн гэгээн гэрлээр гийгүүлнэ
үү. Тэр (тэд) амар амгаланд нойрсох болтугай. Амэн.


/Даатгал залбирлын СУДАР ном, 266 нүүр/

Шашин дэлгэрүүлэх ажил үйлд явахаас өмнөх даатгал залбирал

Үйл ажиллагааны өмнөх даатгал залбирал
(Ante operationem - Before activities)

Шашин дэлгэрүүлэх ажил үйлд явахаас өмнөх
даатгал залбирал
(Oratio ad apostolatum -
Prayer Before Leaving for Apostolate)

Аяа, аугаа эмч бас Эзэн минь.
Танаас хамаг төгс авьяaс билиг гарах учиртай тул би
таны өмнө өвдөг сөгдөж байна.
Та миний гарт ур чадвар, миний оюун ухаанд алсын
хараа, миний зүрх сэтгэлд дөлгөөн ба даруу занг
хайрлана уу хэмээн би танаас залбиран гуйж байна.
Та зовлонтой хүмүүсийн тамирдлыг тайлахын тулд
надад сэтгэл шулуудалт, хүчин чадал ба эрхийг
биелүүлэх үнэн биелэлтийг хайрлана уу.
Та миний зүрх сэтгэлээс алив заль мэх ба дэлхий
ертөнцийн зугаа цэнгэлийг зайлуулна уу. Тиймийн
тул би хүүхдийн эгэл итгэл бишрэлээр танд өөрийгөө
даатгана. Амэн.

Дуу: Аяа, Мариа, та замдаа бидэнтэй хамт явна уу.
Алхам тутам та биднийг хөтлөнө үү.
Аяа, та хайрт Хүү лүгээ биднийг хөтлөнө үү.
Аяа, Мариа, та бидэнтэй хамт явна уу.

/Даатгал залбирлын СУДАР ном, 266 нүүр/

Акуйно нутгийн Томас гэгээнтний зохиосон сурч мэдэхийн өмнөх даатгал залбирал

Үйл ажиллагааны өмнөх даатгал залбирал
(Ante operationem - Before activities)

Акуйно нутгийн Томас гэгээнтний зохиосон сурч
мэдэхийн өмнөх даатгал залбирал
Акуйно нутгийн Томас гэгээнтэн (1225-1274)
(Oratio sancti Thomae Aquinatis ante studium -
Prayer of Saint Thomas Aquinas Before Study)

Аяа, тэнсэлгүй Бүтээгч минь. Та өөрийн билиг
ухааны эрдэнэсийн сангаас Тэнгэр элч нарын гурван
шатлан захирах бүтцийг тогтоож, тэднийг тэнгэрт
гайхамшигт дэс дараагаар байршуулсан бөгөөд та
ертөнцийн үзэгдлийг гоо сайхнаар эмхлэн цэгцэлсэн
билээ.
Та үнэхээр гэгээн гэрлийн эх сурвалж ба билиг
ухааны эх үндэс мөн тул та өөрийн гялбарлага
туяагаар миний оюун ухааны харанхуйг гийгүүлж,
будангуйрал ба гэм нүгэл болох төрөлхийн хоёр
харанхуйг надаас хол тонилгож соёрхоно уу.
Та хүүхдийг хэл оруулдаг учраас та миний хэлийг
сурган хүмүүжүүлж, миний уруулд өөрийн хишиг
ивээлээр бялхана уу.
Та ухаарахад минь хурц ухаан, цээжлэхэд минь
авьяас чадвар, сурахад минь хялбар байдал ба арга
зүй, тайлбарлахад минь уран арга, ярихад минь яруу
баялаг үгсийг надад хайрлана уу.
Та миний эхлэлийг сургаж, миний дэвшлийг удирдаж,
миний төгсгөлийг гүйцээнэ үү.
Та бол үүрд мөнхөд оршиж, хаанчилдаг үнэн
Тэнгэрбурхан, үнэн хүн билээ. Амэн.

/Даатгал залбирлын СУДАР ном, 265 нүүр/